Facebook

Ôs dialect


Vuur zién d’r gruutsj op dat ‘t Groéselts en Riékels plat nog zoevëul gesjproëke wörd. Ôs dialect môt bliéve besjtoën. Daovuur mak de sjtichting Grueles, en de sectie Dialect zich al mie es 30 jaor sjtérk. Vuur nëme interviews aof bié vuuraal de awwer lûi en aad-iénwoeners vaan Groéselt en Riékelt. Oét dy interviews hoële vuur vëul informatie, dy wörd gebruk vuur artikele ién ôs periodiek. Vuur gebruke oonderwérpe dy zich doer ’t jaor heen aondene en gerèigeld trukkoëme. Oüch sjeenke vuur säome mêt de sectie Historie aondag aon ôs verejniginge, en mêt de alledaogse dinger dy zich vuurdoen goën v’r truk nao vreuger en duke v’r ién de geschiedenis devaan. Mêt de sectie Video hebbe v’r e päor projekte opgenoëme. V’r zién hiel bly mêt de gedichte en verhaole ién ’t plat dy ôs vaan versjêllende kaante wörde aongeliéverd. Dus heb d’r get te vertelle wat vuur ôs interessaant ês, nëm daan kontak mêt ôs op.